Ուկրաինական Մելիտոպոլում ռուսական զորքերը շրջապատել են հեռուստաաշտարակը։ Այժմ այն գտնվում է նրանց վերահսկողության տակ։
Այս մասին հայտնում է РБК-Украина-ն՝ հղում անելով Զապորոժիեի ռազմական շրջանի վարչակազմի մամուլի կենտրոնին։
Ինչպես հայտնում է Տարածաշրջանային պետական վարչությունը՝ վկայակոչելով SBU-ի աղբյուրները, օկուպանտներն իրենց սարքավորումները տեղադրել են քաղաքի հեռուստաաշտարակի վրա և սկսել են հեռարձակել ռուսական հեռուստաալիքներ։
Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։
Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»։
Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։
