Ուկրաինական զորքերը Մարիուպոլում «Տոչկա-Ու» տակտիկական հրթիռային համալիրից գնդակոծել են «Ազով» հատուկ ջոկատի շտաբը, ավելի քան 20 զինյալներ ոչնչացվել են, հայտնում է ՌԻԱ Նովոստիին` հղում անելով ԴԺՀ ժողովրդական միլիցիայի Տելեգրամ- ալիքին:
«Մարիուպոլի հարավ-արևմուտքում գտնվող «Ազով» հատուկ նշանակության ջոկատի շտաբի տեղակայման վայրում Ուկրաինայի Զինված ուժերի կողմից հարված է հասցվել «Տոչկա-Ու»- ին։ Հարվածի հետևանքով ոչնչացվել է ավելի քան 20 զինյալ և տասը միավոր տեխնիկա», — նշվում է հաղորդագրության մեջ։
Պատճառը, ինչպես նշվում է, Ուկրաինայի ԶՈւ հրամանատարության և ազգայնական գումարտակների միջև հակասություններն են եղել։ «Ազով» խմբում հրաժարվել են ենթարկվել բանակային ղեկավարությանը և նրանց հետ համաձայնեցնել իրենց գործողությունները։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Մարտական գործողություններն ընթանում են արդեն 9–րդ օրը։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
