Լոնդոնի ICE բորսայի տվյալներով՝ Եվրոպայում բնական գազի գինը գերազանցել է 2200 դոլարը հազար խորանարդ մետրի դիմաց եւ այդպիսով թարմացրել է 2021 թվականին ռեկորդային ցուցանիշը:
Հոլանդական TTF հանգույցում հազար խորանարդ մետր գազը վաճառվում էր 2202 դոլարով: Չորեքշաբթի աճուրդների բացումից հետո գազը թանկացել է ավելի քան 51 տոկոսով։
Վառելիքի ներկայիս գինը բացարձակ առավելագույն է աճուրդների պատմության մեջ։ Նախորդ ռեկորդը՝ 2190 դոլար, գրանցվել էր 2021 թվականի դեկտեմբերին։
Գազի գները Եվրոպայում սկսել են աճել վերջին հակառուսական պատժամիջոցների, ինչպես նաեւ արտասահմանյան ընկերությունների կողմից Ռուսաստանի հետ համատեղ նախագծերից դուրս գալու մասին հաղորդումների ֆոնին։
