Ուկրաինայի նախագահ Վլադիմիր Զելենսկին խոսել է Ամերիկայի Միացյալ Նահանգների նախագահ Ջո Բայդենի հետ։
«Հենց նոր զրույց ունեցա նախագահ Բայդենի հետ։ Քննարկել ենք հակառուսական պատժամիջոցների հետ կապված ԱՄՆ-ի ղեկավարած աշխատանքը և Ուկրաինային պաշտպանության հարցում ցուցաբերած օգնությունը։ Մենք պետք է հնարավորինս շուտ կանգնեցնենք ագրեսորին։ Շնորհակալ եմ աջակցության համար»,- այս մասին Twitter-ի իր միկրոբլոգում գրել է Զելենսկին։
