Դոլարն ու եվրոն Forex շուկայում հատել են բոլոր ժամանակների առավելագույն ցուցանիշները և այժմ վաճառվում են մոտ 107,5 և 122 ռուբլու սահմաններում, ըստ Bloomberg-ի տվյալների:
Ժամը 6:44-ի դրությամբ դոլարն աճել է մինչև 113,5 ռուբլու, իսկ եվրոյինը՝ 127 ռուբլու, 7:05-ին՝ համապատասխանաբար 107,68 և 122,15 ռուբլու։ Այսպիսով, դոլարը նախորդ առևտրային օրվա՝ փետրվարի 25-ի համեմատ ավելանում է մոտ 28,6 տոկոսով, իսկ եվրոն՝ 29,5 տոկոսով։ Միաժամանակ դոլարը հասել է առավելագույնը 117,82 ռուբլու, եվրոյինը՝ 132,88 ռուբլու։
Փորձագետներն ակնկալում էին ռուբլու փլուզում՝ Ռուսաստանի Բանկի ակտիվների սառեցման տեսքով պատժամիջոցների ֆոնին։ Մասնավորապես, Univer Capital ներդրումային խմբի ներդրումների վերլուծության բաժնի ղեկավար Անդրեյ Վերնիկովը ՌԻԱ Նովոստիին ասել է, որ դոլարը կարող է հասնել մինչև 100-120 ռուբլու, սակայն Կենտրոնական բանկը կբարձրացնի հիմնական տոկոսադրույքը․ մեկ շաբաթից ԱՄՆ-ը արժույթը կվերադառնա 85 ռուբլու մակարդակին։
