Լոնդոնը միշտ պատրաստ է կրկնել 1853-1856 թվականների Ղրիմի պատերազմի իրադարձությունները և «աքացի տալ» Ռուսաստանին, ասել է Մեծ Բրիտանիայի պաշտպանության նախարար Բեն Ուոլեսը։
Ուոլեսն այս մասին հայտարարել է Վեսթմինսթերում զինվորականների հետ զրույցի ժամանակ։ Մասնավորապես, նա համեմատել է ՌԴ նախագահ Վլադիմիր Պուտինի գործողություններն Ուկրաինայում և կայսր Նիկոլայ Առաջինի քայլերը Ղրիմի պատերազմում։
«Շոտլանդական գվարդիան 1853 թվականին Ղրիմում աքացի տվեց ցար Նիկոլայ I-ին: Մենք միշտ կարող ենք դա կրկնել»,- ասել է Ուոլեսը: Նա նաև հավելել է, որ ՌԴ նախագահը իբր թույլ է տվել նույն սխալը, ինչ կայսր Նիկոլայ I-ը, քանի որ առճակատման է գնացել Արևմուտքի հետ «առանց ընկերների և դաշնակիցների»:
