Ռուսաստանի Ռոստովի մարզի նահանգապետ Վասիլի Գոլուբևը Արտակարգ իրավիճակների նախարարության ղեկավարի պաշտոնակատար Ալեքսանդր Չուպրիյանի հետ հանդիպմանը հայտարարել է, որ «պատեհ է համարում» փետրվարի 19-ի առավոտյան ժամը 10-ից արտակարգ դրություն մտցնել մարզում։ Չուպրյանը որոշումը ճիշտ է անվանել։ Այս մասին հայտնում է rbc.ru-ն։
Հիշեցնենք, որ փետրվարի 18-ից Ուկրաինայի շուրջ իրավիճակի սրման պայմաններում Դոնեցկի շրջանից, որը գտնվում է անջատականների վերահսկողության տակ, սկսվել է բնակչության տարհանում Ռոստովի մարզ։
