Ախալքալաքի շրջանի շատ գյուղերի ճանապարհներ փակ են: Քաղաքում ձյան տակի մերկասառույցը նպաստում է մեքենաների միմյանց հետ բախմանը, հաղորդում է Jnews.ge-ն:
Առավոտյան Ախալքալաքի Աղմաշենեբելի փողոցում մեքենաները բախվեցին միմյանց: Ճիշտ է, ոչ մեքենաները, ոչ էլ առավել եւս մարդիկ չեն տուժվել, բայց ամեն րոպե Ախալքալաքում նման փաստեր հնարավոր է եւ հետեւանքներն անկանխատեսելի: Ձյունը մերկասառույցի վրա մեքենաների արգելակների հիմնական հակառակորդն է ու ընդհանրապես վտանգ է երթեւեկության համար:
ՍՊԸ «Սանմաքրումի» ղեկավարի խոսքով, առավոտից տեխնիկան աշխատել եւ մաքրել է փողոցները ձյունից (10-12 կենտրոնական եւ կենտրոնին հարակից փողոցներ): Սակայն հիմա այն պատճառով, որ փողոցներում մեքենաները շատ են, տեխնիկան չի կարող աշխատել: Փողոցների մաքրման աշխատանքները կսկսվի երեկոյան՝ ժամը 17: 00-ից հետո: Ձյունը մաքրելուց հետո տեխնիկան մերկասառույցից պաշտպանվելու համար փողոցներում աղ կլցնի:
Ախալքալաքի Շրջանային վարչության տեղեկատվության համաձայն, ներկա պահին, շրջանի բոլոր գյուղական ճանապարհներում կատարվում են մաքրման աշխատանքներ: ՍՊԸ «Վեմ» ընկերությունը, որը պատասխանատու է շրջանում ձյան մաքրման համար, աշխատում է բոլոր ուղղություններով:
Ըստ Ախալքալաքի Շրջանային վարչության ենթակառուցվածքների, տարածքային կառավարման, ճարտարապետության եւ շինարարության բաժնի ղեկավար Ալբերտ Նահատակյանի, նա շրջանի գրեթե բոլոր գյուղերից ստացել է բազմաթիվ զանգեր ձյան պատճառով ճանապարհների անանցանելիության մասին:
Ըստ ՍՊԸ «Վեմ» կազմակերպության տնօրեն Երանուհի Ալեքսանյանի, ճանապարհների վրա աշխատում են 8 միավոր ձնեմաքրիչ տեխնիկա` Չամդուրա, Պտենա, Դադեշ, Բուռնաշեթ, Մերենիա, Էխտիլա, Սամսար եւ այլ ուղղություններով: Սակայն, հնարավոր է աշխատանքները դադարեցվեն մինչ քամու դադարելը: Որոշ տեղերում տեխնիկայի մաքրումից հետո միանգամից ճանապարհը նորից ձյունով է լցվում:
«Քանի որ քամի է, հավանաբար կդադարեցնեք ձյան մաքրումը վերին գյուղերի ուղղությամբ (Սամսար, Էխտիլա, Մերենիա եւ այլն), քանի որ մաքրելուց հետո նորից փակվում է, իսկ քաղաքին մոտիկ գյուղերը կմաքրենք», – ասաց Երանուհի Ալեքսանյանը:
