Մեծ Բրիտանիայի կառավարությունը նոր պատժամիջոցների փաթեթի շրջանակներում մտադիր է սառեցնել Կրեմլի հետ կապված ռուսական ընկերությունների ակտիվները, ինչպես նաեւ արգելել մի շարք անձանց մուտքը, գրում է Times թերթը, տեղեկացնում է ՌԻԱ-ն։
Մեծ Բրիտանիայի արտգործնախարար Լիզ Թրասսը չի բացառել ռուսաստանցի օլիգարխների սեփականության բռնագրավումը, եթե Ուկրաինայի շուրջ լարվածությունը սրվի։
Times թերթի տեղեկություններով, արգելքը կարող է տարածվել այն ֆիզիկական եւ իրավաբանական անձանց վրա, ովքեր «ռազմավարական նշանակություն ունեն» ՌԴ իշխանությունների համար։
Սպասվում է, որ նոր փաթեթը Մեծ Բրիտանիայի խորհրդարան է ներկայացվելու հունվարի 31-ին։
