ՌԴ նախագահ Վլադիմիր Պուտինը հանձնարարել է ՌԴ կրթության նախարարությանը մինչեւ մայիսի 1-ն օրացույցում ներառել ցեղասպանության զոհերի հիշատակին նվիրված օրերը, այդ թվում՝ հունվարի 27-ը, հայտնել է Կրեմլի կայքը։
«Ռուսաստանի կրթության նախարարությունը նախատեսել է Երկրորդ համաշխարհային պատերազմի ժամանակ խաղաղ բնակչության շրջանում զոհերի հիշատակը հավերժացնելու նպատակով մոտավոր օրացուցային պլանում ավելացնել նացիստների եւ նրանց հանցակիցների կողմից ժողովուրդների ցեղասպանության հիշատակին նվիրված օրերը, այդ թվում՝ հունվարի 27-ը՝ Հոլոքոստի հիշատակի միջազգային օրը, որպես Կարմիր բանակի կողմից Աուշվից-Բիրկենաու (Օսվենցիմ) նացիստական մահվան ճամբարի բանտարկյալների ազատագրման օր»,- ասվում է հրահանգների ցանկում։
Կատարման վերջնաժամկետը մայիսի 1-ն է:
