Time-ի վերջին համարի շապիկին ռուս ընդդիմադիր գործիչ Ալեքսեյ Նավալնու լուսանկարն է ու վերնագիր․ «Մարդ, որից Պուտինը վախենում է»։
Հանդեսի ռուսական ցանցում հրապարակվել է հարցազրույց Նավալնու հետ, որն արվել է նրա կալանավորման մեկ տարին լրանալու կապակցությամբ։ Նավալնին կալանավայրից գրավոր պատասխանել է Time-ի հարցերին։
Մասնավորապես մեկնաբանելով անվտանգության երաշխիքների շուրջ Ռուսաստանի ու ԱՄՆ-ի բանակցությունները` Նավալնին ասել է, թե Վլադիմիր Պուտինը շանտաժի է ենթարկում Արևմուտքին զիջումների հասնելու համար, որպեսզի կոշտ պատժամիջոցներ չկիրառվեն Ռուսաստանի դեմ։
