Հունվարի 8-ին ոստիկանության Գորիսի բաժնի քրեական հետախույզները օպերատիվ տվյալներ էին ստացել, որ 35-ամյա տղամարդը կրակել և վնասել է Գորիս քաղաքի Մաշտոցի փողոցի շենքերից մեկի բակում կայանված «ԲՄՎ» մակնիշի ավտոմեքենան: Այս մասին հաղորդում է ՀՀ ոստիկանությունը։
«Բացատրական աշխատանքի շնորհիվ հունվարի 17-ին Գորիսի բաժին է ներկայացել 35-ամյա տղամարդը և հայտնել, որ «ԲՄՎի» սեփականատիրոջ հետ ունենալով անձնական խնդիրներ և վստահ լինելով, որ նա կամ այլ անձինք մեքենայում չեն՝ իր անվամբ հաշվառված որսորդական ողորկափող հրացանից մի քանի անգամ կրակել է ավտոմեքենայի վրա՝ ցանկանալով վնասել այն:
Նա ներկայացրել է հանցագործության գործիք հրացանը:
Հանգամանքները պարզվում են։ Կատարվում է քննություն»,-ասված է հաղորդագրության մեջ։
