Քիչ առաջ կյանքին հրաժեշտ է տվել ՀՀ ազգային հերոս, քաղաքական պետական գործիչ Կարեն Դեմիրճյանի կինը՝ Ռիմա Դեմիրճյանը։ Այս հոկտեմբերին լրացել էր նրա 88 տարին։ Նա տնօրինում էր «Կարեն Դեմիրճյան» բարեգործական հիմնադրամը:
Երկար տարիներ դասախոսելով պոլիտեխնիկական համալսարանում՝ Ռիմա Դեմիրճյանն մի առիթով ասել է՝ երբեք ամուսնու պաշտոնը չի չարաշահել։ Մշտապես զգուշացել է, որ իր արարքները չկապեն ամուսնու պաշտոնի հետ։
«Ես էլ տան տիրուհին էի, բայց Կարենի գործերին երբեք չեմ խառնվել։ Եթե նա չի ունեցել կարիքը, չի ասել, որ կարծիք է ուզում լսել, չեմ խառնվել։ Ամեն մեկս իր սահմանը գիտեր ու դժվարություն չի եղել»,- ասում է ՀԿԿ կենտկոմի առաջին քարտուղարի կինը, որին խորհրդային տարիներին իրավամբ կոչում էին՝ առաջին տիկին։
Ռիմա Դեմիրճյանն օրեր առաջ տեղափոխվել էր «Էրեբունի» ԲԿ:
