Քաղաքապետ Հայկ Մարությանը հրաժարական չի տա:«Փաստինֆո»-ին այս մասին հայտնեց Երևանի քաղաքապետի խոսնակ Հակոբ Կարապետյանը:
Ինչպես հայտնի է, Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել։
Իմպիչմենտի համար անհրաժեշտ է 33 ստորագրություն, իշխող խմբակցության անդամ ավագանու իշխող խմբակցության անդամ Արմեն Կոտոլյանը երեկ հայտնել է, թե 39-ն արդեն հավաքվել է, թեեւ «Իմ քայլը» ավագանու մի շարք անդամներ էլ ասել են, որ չեն միանա Մարությանին անվստահություն հայտնելու գործընթացին:
Խմբակցությունը չի մեկնաբանում՝ ինչու՞ է նման գործընթաց սկսել:
Հակոբ Կարապետյանը որևէ կերպ չցանկացավ գնահատական տալ նույն քաղաքական թիմի կողմից քաղաքապետին անվստահություն հայտնելու գործընթացին, սակայն նշեց, որ նա հրաժարական չի տա։
Հիշեցնենք, որ մինչ իմպիչմենտի գործընթացը՝ Նիկոլ Փաշինյանին պատկանող թերթում հոդված էր հրապարակվել Հայկ Մարության դեմ, որը պատերազմից հետո փորձել է իրեն առանձնացնել Փաշինյանի թիմից։
