Մոլդովայի հատուկ ծառայությունները ձերբակալել և խուզարկել են ռուս լրագրող Սեմյոն Պեգովին։ ՏԱՍՍ-ի փոխանցմամբ՝ այս մասին հայտարարել է Պետդումայի պատգամավոր Արտեմ Տուրովը։
«Այս գիշեր Քիշնևից Մոսկվա չվերթի ժամանակ ռուս լրագրող Սեմյոն Պեգովին կանգնեցրել և ավելի քան մեկ ժամ պահել են Մոլդովայի Հանրապետության տեղեկատվության և անվտանգության ծառայության (ՀՔԾ) կողմից»,- գրել է Տուրովը Telegram-ի իր ալիքում։ Նրա խոսքով, Պեգովը նկարահանել է պատմություններ Մերձդնեստրի հակամարտության պատմության ու իրադարձությունների, դրա կարգավորման գործում Ռուսաստանի Դաշնության ու ռուս խաղաղապահների դերի մասին։
Բացի հեռախոսների, նոութբուքերի և այլ սարքավորումների խուզարկությունից և մանրակրկիտ զննությունից, աշխատակիցները բացահայտ սպառնացել են ՌԴ քաղաքացուն, որ կհանձնեն Ուկրաինայի ուժայիններին»,- գրել է պատգամավորը։
Տուրովն ասել է, որ ավելի ուշ Պեգովն ազատ է արձակվել։
