Վանո Սիրադեղյանը իրական հայ մարդ էր, տաղանդավոր և մարդկային։ Հասկանալով Հայաստանի առջև ծառացած խնդիրները նա գտել է լուծումներ և մեր պետականության հիմքերը ամրապնդել։ Այս մասին, Վանո Սիրադեղյանի հոգեհանգստի արարողության ժամանակ, 24News.am-ին ասել է իշխանական պատգամավոր Խաչատուր Սուքիասյանը։
«Սիրադեղյանը շատ լավ պատկերացնում էր դատաիրավական համակարգը և իր մարդ տեսակով համաձայն չէր, որպեսզի գար և ինչ-որ ժամանակահատված բանտարկված լիներ մինչև այդ դատական պրոցեսները։ Ես գիտեմ՝ դա իր ընտրությունն է եղել»,- ասել է նա:
Անդրադառնալով իրենց միջև եղած կապին, Խաչատուր Սուքիասյանը նշեց, որ իրենք միշտ կապի մեջ են եղել, և ինքը շատ բաների մասին է տեղյակ։
