Հայաստանի իշխանությունները Ռուսաստանի առջեւ ոչ մի պահանջ չեն դնում: Այս մասին նոյեմբերի 19-ին Ազգային ժողովում ավանդական ճեպազրույցների ժամանակ հայտարարեց Պաշտպանության եւ անվտանգության հարցերի մշտական խորհրդարանական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Անդրանիկ Քոչարյանը։
Քաղաքական գործչի խոսքով՝ երկրի իշխանությունները ընդամենը ցանկանում են, որպեսզի ավելի վաղ ստորագրված պայմանագրերի բոլոր կետերը ժամանակին կատարվեն։
«Ռուսաստանը հայկական եւ ադրբեջանական կողմերի միջեւ հրադադարի ապահովման երաշխավորն է։ Ուստի նա պետք է ներգրավված լինի գործընթացում»,- պարզաբանեց Քոչարյանը:
