Թելեգրամյան ալիքները հաղորդում են, որ ադրբեջանական զինված ուժերը Սյունիքում` Սիսիանի թևում, 1-2 կմ ներխուժել են ՀՀ տարածք` առաջ բերելով 7-8 միավոր զրահատեխնիկա։
Ապագա կա՛ Սյունի՛ք
Հիշեցնենք, ՊՆ-ն հաղորդագրություն էր տարածել շեշտելով, որ իրավիճակը լարված է․
Նոյեմբերի 14-ին, ժամը 13։00-ի սահմաններում, ադրեջանական ԶՈՒ ստորաբաժանումները փորձել են դիրքային առաջխաղացում ապահովել հայ-ադրբեջանական սահմանի արևելյան ուղղությամբ։ Սկսվել է ինտենսիվ փոխհրաձգություն։ Հայ դիրքապահները կանխել են հակառակորդի փորձերը՝ դիրքավորվել այդ տարածքում։ Իրադրությունը դեռևս շարունակում է լարված մնալ։ Այս մասին հայտնում են ՀՀ ՊՆ-ից:
Ներկա պահին, ռուսական կողմի միջնորդությամբ, ընթանում են բանակցություններ՝ իրադրության հանգուցալուծման ուղղությամբ։ Հայկական կողմից տուժածներ չկան։
Պաշտպանության նախարարությունը պարբերաբար տեղեկատվություն կտրամադրի իրադրության հետագա զարգացումների վերաբերյալ։
