ՀՀ վարչապետ Նիկոլ Փաշինյանի մամուլի քարտուղար Մանե Գևորգյանը, իր դիմումի համաձայն, ազատվել է վարչապետի մամուլի քարտուղարի պաշտոնից:
Մանե Գևորգյանն այս մասին գրառում է կատարել «Ֆեյսբուք»-ի պաշտոնական իր էջում:
«Սիրելի ընկերներ, դիմումիս համաձայն ազատվել եմ վարչապետի մամուլի քարտուղարի պաշտոնից։ Շնորհակալ եմ վարչապետին, կառավարության աշխատակազմին համատեղ աշխատանքի համար։
Վարչապետի մամուլի քարտուղարի պարտականությունները կատարելու ընթացքը լի էր Հայաստանին բաժին հասած դժվարություններով, չնայած ամենին՝ փորձել եմ հավատարիմ մնալ այն արժեքներին, որոնք դրվել էին 2018-ի հեղափոխության հիմքում։ Ներողություն եմ հայցում բոլոր նրանցից, որոնց հույսերը չեմ արդարացրել այս պաշտոնում։ Շնորհակալ եմ նաեւ լրագրողներին՝ արդյունավետ համագործակցության համար»,- գրել է նա
ՀՀ կառավարության e-gov.am կայքում հրապարակվել է նաև վարչապետի որոշումը՝ Մանե Գևորգյանին վարչապետի մամուլի քարտուղարի պաշտոնից ազատելու մասին:
