Ադրբեջանը պատրաստ է կարգավորել հարաբերությունները Հայաստանի հետ և կարևոր է համարում Ղարաբաղի վերաբերյալ եռակողմ պայմանավորվածությունների կատարումը։ Այս մասին ասված է հանրապետության արտաքին գործերի նախարարության՝ երկուշաբթի օրը տարածած հաղորդագրության մեջ, փոխանցում է TACC-ը։
«Ադրբեջանի երկարաժամկետ տեսլականի ռազմավարության հիմքը կայուն խաղաղություն, զարգացում և առաջընթաց ապահովելն է։ Իր տարածքների օկուպացիայի գործոնի վերացումով Ադրբեջանը պատրաստ է կարգավորել հարաբերությունները Հայաստանի հետ՝ միջազգային իրավունքի սկզբունքների, մասնավորապես ինքնիշխանության, տարածքային ամբողջականության և միջազգային սահմանների անձեռնմխելիության խստիվ պահպանման հիման վրա»,- ասվում է փաստաթղթում։
Այն նշում է, որ այս փուլում տարածաշրջանում ապագա խաղաղությունն ու անվտանգությունն ապահովելու համար կարևոր է ամբողջությամբ կատարել եռակողմ հայտարարությունների դրույթները, որոնք ստորագրվել են անցյալ տարվա նոյեմբերի 9-ին և հունվարի 11-ն Ադրբեջանի, Հայաստանի և Ռուսաստանի ղեկավարների կողմից։ «Ադրբեջանն ակնկալում է, որ Հայաստանը համարժեք պատասխան կտա այս ուղղությամբ իր ձեռնարկած քայլերին»,- ասվում է հայտարարության մեջ։ ԱԳՆԱդրբեջան
