ՀՀ կառավարության որոշմամբ՝ «Կոշ» և «Հրազդան» քրեակատարողական հիմնարկների գործունեությունը կդադարեցվի:
«Որոշման նախագիծը 2022 թվականին կխնայի 1 միլիարդ 200 միլիոն դրամ: Բայց այս նախագիծը միայն գումարի խնայողության մասին չէ: Սա նաև շատ կարևոր սկիզբ է քրեակատարողական համակարգի հետագա բարելավման համար»,- ասաց ՀՀ արդարադատության նախարար Կարեն Անդրեասյանը:
Այս պահին Հայաստանում կա 12 քրեակատորաղական հիմնարկ:
«Նախագծի՝ հավանության արժանանալուց հետո մենք կունենանք 10 ՔԿՀ-ներ, որոնց վրա կենտրոնանալով և որոնց պայմանները լավացնելով՝ կկարողանանք հետագայում էլ ավելի օպտիմալացնել համակարգը և լուծել մարդու իրավունքների լուրջ խնդիրներ, նաև լուծել համակարգում աշխատողների մի շարք կարևոր հարցեր»,-ասաց Անդրեասյանը:
