Կորոնավիրուսի համաճարակային իրավիճակը Հայաստանում ծայրահեղ լարված է։ Այս մասին այսօր՝ հոկտեմբերի 28-ին, Կառավարության նիստի մեկնարկին հայտարարեց ՀՀ վարչապետ Նիկոլ Փաշինյանը։
ՀՀ առողջապահության նախարար Անահիտ Ավանեսյանն էլ նշեց, որ այս պահին ՀՀ-ում մոբիլիզացված է 27 բժշկական կենտրոն, որոնք սպասարկում են կորոնավիրուսով հիվանդներին։
«Այս պահին 3050 մահճակալ զբաղված է։ Ծանր վիճակում գտնվող 1088 քաղաքացի ունենք, ծայրահեղ ծանր վիճակում գտնվում է 307 քաղաքացի, թոքային օդափոխության սարքերին միացված է 152 քաղաքացի»,-նշեց նախարարը՝ հավելելով՝ այս պահին ունեն 122 հղի, որոնք հոսպիտալացված են, նրանցից 53-ի մոտ առկա է թոքաբորբ։
