Հայրենակի’ց և աշխարհի քաղաքակիրթ մարդկությու’ն.
ակնհայտ է, որ Հայաստանի Հանրապետության հոշոտման ու պետականության քայքայման գործընթացը նոր փուլ է մտնում. Հետպատերազմյան Հայաստանի Հանրապետությունը ոխրիմ բարեկամների և ոխերիմ թշնամիների կողմից ծվեն ծվեն անլու փորձ է կատարվում: Դեպի Թուրան արշավանքը նոր թափ է ստանում’ սպառնալով ոչ միայն հայ ժողովրդի պետականությանը, այլ նաև համաշխարհային քաղաակրթությանը:
Դժբախտությունն այն է, որ այս քաղաքականության ակունքներում Կրեմլի տիրակալն է, իսկ քարոզչական առաջնագծում` ծագումով հայ, սակայն հայկական ինքությունը վաղուց կորցրած խղճուկ մի խումբ: Կրեմլի թելադրանքով Ադրբեջանի թյուրքական պետականությանն է փոխանցվում Հայաստանի Հանրպետության միջազգայնորեն ճանաչված, ռազմավարական նշանակության ահռելի մի տարածք: Հայաստանին պարտադրվում է ռուս-թուրքական շահերը սպասարկող, սակայն տարածաշրջանի անվտանգությունը խաթարող մի իրողություն, մինչդեռ նշված սպառնալիքների չեզոքացման և Հայաստանի Հանրապետության և բովանդակ հայ ժողովրդի շահը արտացոլում է Սյունյաց «Հարավ-հյուսիս» մայրուղին: Ինքնին հասկանալի է, որ տվյալ մայրուղին հեռացնում է մահացու սպառնալիքը նաև Իրանի Իսլամական Հանրապետության, Հնդկաստանի և Արաբական աշխարհի որոշ երկրներից: Այդուհանդերձ, վիճակը անհուսալի չէ և անհուսալի չէ հայ ժողովրդի միասնական կամքի պարագայում, մանավանդ, որ թուրանական ռուս-թուրքական գործընթացը համահունչ չէ նաև Ֆրանսիայի, ԱՄՆ-ի և այլ երկրների կենսական շահերի հետ:
Ուստի այս պահից իսկ համաշխարհային հայությունը և նրա բարեկամները, ընտրելով ` «Ձեռներդ հեռու’ Հայաստանի Հանրապետությունից» կարգախոսը, պետք է պահանջեն Կրեմլից զսպել և չափավորել Ադրբեջանի ազգայնամոլ իշխանության ախորժակը և, ի վերջո, կատարել Հայաստանի Հանրապետության իբրև թե դաշնակցի պարտականությունները:
Ի գո’րծ, քույրեր և եղբայրներ, տիկնայք և պարոնայք:
ՔԺԿ նախագահ` Լևոն Ղ. Շիրինյան
