Ես չեմ հասկանում, թե ինչու մեկ տարի անց մենք ունեն ռազմագերիներ, ավելին, չգիտենք, թե քանի ռազմագերի ունենք: Այս մասին, այսօր՝ հոկտեմբերի 4-ին, մամուլի ասուլիսի ժամանակ նշեց ՀՀ երկրորդ նախագահ Ռոբերտ Քոչարյանը:
«Պատերազմից մեկ տարի անց չիմանալով հստակ զոհվածների, անհետ կորածների, գերիների թիվը, մենք հանդուրժում ենք այս իշխանությանը: Ուղղակի աբսուրդ է, ես չեմ հավատում, որ կա աշխարհում որեւէ օրինակ, որ գոնե զոհվածների թիվը հնարավոր էր հրապարակել, մարդկանց անուն, ազգանուն, որտեղ է զոհվել, քանի տարեկան է եղել: Գիրք պետք է լինի, մենք պետք է հասկանանք, որ այդ մարդիկ իրենց կյանքը տվել են հայրենիքի համար: Այն, ինչ կատարվում է մեկ տարի անց չի կարելի բացատրել անփորձությամբ, ապիկարությամբ, սրանք գիտակցված քայլեր են, որոնք նպատակներն ինձ համար հասկանալի չեն»,-ասաց նա:
