Սյունիքի մարզում պայմանագրային զինծառայողը հայտնվել է դատարանում ապօրինի որս կատարելու մեղադրանքով:
Դատական տեղեկատվական համակարգից տեղեկանում ենք, որ ըստ մեղադրանքի՝ սերժանտ Մարտիկ Գ.-ն ապօրինի որսացել է այծյամ, որի որսն ամբողջությամբ արգելված է: Պայմանագրային զինծառայողը պետությանը պատճառել է 250 հազար դրամի վնաս:
Մարտիկին մեղադրանք է առաջադրվել Քրեական օրենսգրքի 294-րդ հոդվածի 1-ին մասի 1,3 կետով: Նա ստորագրությամբ ազատ է արձակվել:
Գործը քննվելու է Սյունիքի մարզի ընդհանուր իրավասության դատարանում:
