Կառավարությունն իր այսօրվա՝ օգոստոսի 6-ի նիստում որոշեց շարքային կազմի պարտադիր զինվորական ծառայությունից ազատել ֆուտբոլի ազգային հավաքականի 5 մարզիկների:
Նրանք են՝
Արշակ Ռաֆաելի Կորյանը,
Արմեն Արամի Մանուչարյանը,
Գաել Պոլ Ֆիլիպի Անդոնյանը,
Արթուր Աշոտի Միրանյանը,
Սոլոմոն Իմե Իդիո Իմեի Ուդոն:
Որոշման հիմնավորման մեջ նշվում է, որ այդ քաղաքացիներին ՀՀ նախագահի հրամանագրով քաղաքացիություն է շնորհվել:
Այս որոշման նախագծի ընդունումը պայմանավորված է այն հանգամանքով, որ այդ քաղաքացիներին տարկետում էր տրվել մինչև 2021 թվականի ամառային զորակոչը: Քանի որ Արշակ Ռաֆաելի Կորյանի, Արմեն Արամի Մանուչարյանի, Գաել Պոլ Ֆիլիպի Անդոնյանի, Արթուր Աշոտի Միրանյանի, Սոլոմոն Իմե Իդիո Իմեի Ուդոի, 26 տարին լրանում է 2021 թվականին, ապա հնարավոր չէ նրանց շարքային կազմի պարտադիր զինվորական ծառայության զորակոչից տարկետում տալ։ Հետևաբար անհրաժեշտություն է առաջացել Արշակ Ռաֆաելի Կորյանին, Արմեն Արամի Մանուչարյանին, Գաել Պոլ Ֆիլիպի Անդոնյանին, Արթուր Աշոտի Միրանյանին, Սոլոմոն Իմե Իդիո Իմեի Ուդոին, ազատել շարքային կազմի պարտադիր զինվորական ծառայությունից:
Նրանք հանդես են գալիս ֆուտբոլի Հայաստանի Հանրապետության ազգային հավաքական թիմում:
Կառավարության մեկ այլ որոշմամբ՝ շարքային կազմի պարտադիր զինվորական ծառայությունից ազատվեց Հենրիկ Աշոտի Պարսամյանին (ծնվ.՝ 18.06.1995 թ.)
Որոշման հիմնավորման մեջ նշվում է, որ այդ որոշման անհրաժեշտությունը պայմանավորված է նրա գիտական գործունեության ընթացքում ձեռք բերված գիտելիքների ընդլայնմանը և նոր գիտե¬լիք¬ների ստացմանն ու կիրառմանն ուղղված մտավոր ստեղծագործական գործունեու¬թյունը շարունակելու հնարավորության ընձեռնմանը:
Հենրիկ Պարսամյանին ՀՀ կառավարության 2018 թվականի հուլիսի 19-ին N 796-Ա որոշմամբ տրվել է տարկետում՝ ուսումը ասպիրանտուրայում շարունակելու նպատակով: Ընդունվելով ԵՊՀ «Ռադիոֆիզիկա» մասնագիտությամբ ասպիրանտուրա նա զբաղվել է գիտահետազոտական գործունեությամբ ֆոտոնիկայի, օպտիկայի և միկրոալիքային ճարտարագիտության ոլորտներում:
2018թ. դարձել է «Ձեռնարկությունների ինկուբատոր» հիմնադրամի և «PMI Science»-ի կողմից համատեղ տրամադրվող ասպիրանտների աջակցության ծրագրի տասը հաղթողներից մեկը՝ ինֆրակարմիր ճառագայթման կլանմանը նվիրված ուսումնասիրություն կատարելու համար:
2018-2019 թթ. եղել է ՀՀ կրթության և գիտության և Գերմանիայի կրթության և հետազոտությունների դաշնային նախարարությունների համատեղ «MES-BMBF Call 2016 STC» GE-027 ծածկագրով «Պլազմոնային սենսորների հատկությունների բարելավում նանոխորանարդների որոշակի դասավորվածությունների միջոցով» ծրագրի հայկական հետազոտական խմբի անդամ։
2020 թվականի օգոստոսից մինչև 2021 թվականի մարտը համատեղության կարգով հետազոտություն է իրականացրել Կորեայի Հանրապետության Սեուլի Սոգանգ համալսարանի Ֆիզիկայի ֆակուլտետի «Միկրոալիքային ֆոտոնիկայի» լաբորատորիայում՝ նվիրված միկրոալիքային տեխնոլոգիաների միջոցով արյան գլյուկոզի կոնցենտրացիայի չափումներին։
2021 թվականի մայիսի 29-ին կայացել է ատենախոսությանս պաշտպանությունը ԵՊՀ-ում գործող ՀՀ ԲՈԿ-ի 049 Ֆիզիկայի մասնագիտական խորհրդում և խորհրդի որոշմամբ շնորհվել է ֆիզիկամաթեմատիկական գիտությունների թեկնածուի գիտական աստիճան:
Ասպիրանտուրայի առաջին տարուց սկսած Հ. Պարսամյանըզբաղվել է գիտական, գիտատեխնիկական և գիտամանկավարժական գործունեությամբ։ Ունի իր համահեղինակությամբ տպագրված 9 հոդվածներ, որոնցից 5-ը ամերիկյան և եվրոպական հեղինակավոր ամսագրերում․ «Applied Optics», «Journal of the Optical Society of America B», «Optics Communications» և «Applied Physics A»:
ԵՊՀ Ռադիոֆիզիկայի ֆակուլտետում դասավանդում է «Էլեկտրամագնիսական պրոցեսների մոդելավորում», «Միկրո և նանո համակարգերի մոդելավորում» և «Օպտիկական կապի համակարգեր» դասընթացները։
Իր մեկ այլ որոշմամբ, Կառավարությունը շարքային կազմի պարտադիր զինծառայությունից ազատեց նաեւ Արթուր Յուրայի Ալեքսանյանին (ծնվ.՝ 1995 թվականի մայիսի29-ին):
Արթուր Ալեքսանյանը ՀՀ կառավարության 2018 թվականի հուլիսի 19-ի N 796-Ա որոշմամբ ստանալով տարկետում, ընդունվել և շարունակել է գիտական, գիտահետազոտական գործունեությունը ՀՀ ԳԱԱ ֆիզիկական հետազոտությունների ինստիտուտի «Տեսական ֆիզիկայի»լաբորատորիայում՝աշխատելով որպես լաբորանտ:
Գիտական և գիտահետազոտականգործունեությունն առնչվում է լազերային ֆիզիկայի տեսական խնդիրների անալիտիկ լուծմանը և թվային մոդելավորմանը, մասնավորապես ալկալի ատոմների վրա հիմնված քվանտային փականների, փոխազդեցության տարբեր ռեժիմներում ատոմական բնակեցվածությունների և մագնիսական դաշտի ազդեցությամբ զեեմանյան ճեղքված ալկալիական ատոմի դիպոլային մոմենտների ուսումնասիրմանը:
Ա. Ալեքսանյանը 2021-ի հունիսի 19-ին պաշտպանել է ատենախոսությունը, և ՀՀ ԲՈԿ-ի 049 մասնագիտական խորհրդի որոշմամբ նրան շնորհվել է ֆիզիկամաթեմատիկական գիտությունների թեկնածուի գիտական աստիճան՝ «Ատոմական անցումների և բնակեցումների ղեկավարումը լազերի հաճախության ծրման արագությամբ և մասնագիտական դաշտով» թեմայով:Հանդիսանալով Ֆրանսիայի Բուրգունդիայի Ֆրանշ-Կոմտե համալսարանի ասպիրանտ իրականացրել է գիտամանկավարժական գործունեություն:
Նրա գիտական հրապարակումները տպագրվել են հայկական, արտասահմանյան ամսագրերում:
