Զոհված զինվորի մայրը խնդրում է տաքսու վարորդին վերադարձնել հեռախոսը, որտեղ գտնվում են զոհված որդու նկարներն ու տեսանյութերը:
Ֆեյսբուքյան տեսաուղերձում մայրը նշում է, որ ամսի 14-ին տաքսիով Դավիթ Բեկ փողոցի՝ Թոխմախի գերեզմանների մոտից գնացել է Զեյթուն՝ Ռայնիս փողոց:
Նա նաև խնդրում է հեռախոսի սպասարկման կամ առքուվաճառքի կետերի աշխատողներին չփչացնել այն. «Եթե գնել եք այդ հեռախոսը, ես ձեզնից կգնեմ: Խնդրում եմ՝ իմ հեռախոսը վերադարձրեք: Նաեւ դիմում եմ իմ ընկերներին, տարածեք այս տեսանյութը»,-արցունքն աչքերն նշել է կինը՝ հավելելով, որ հեռախոսը Samsung A8 է, սև գույնի:
