Պետդումայի փոխխոսնակ Պյոտր Տոլստոյի գլխավորած ռուսական պատվիրակությունը որպես բողոքի նշան լքել է ԵԱՀԿ Խորհրդարանական վեհաժողովի (ԵԱՀԿ ԽՎ) նիստը՝ վեհաժողովի անդամների կողմից կանոնակարգի խախտման հետ կապված, հայտնել է ՏԱՍՍ-ը:
«Եթե ցանկանում եք աշխատել կանոններով, ապա պետք է հետեւել դրանց: Եթե չեք ցանկանում աշխատել կանոններով, ցանկանում եք ինքներդ ձեզ հետ քաղաքականացված միակողմանի որոշումներ կայացնել, դա ձեր իրավունքն է, սակայն մենք չենք կարող դրան մասնակցել», — ասել է Տոլստոյը մինչեւ դահլիճը լքելը:
Տոլստոյը հայտարարել է, որ ԵԱՀԿ ԽՎ-ն խախտել է կանոնը, ըստ որի որոշումներն ընդունվում են վեհաժողովի անդամների երկու երրորդի մեծամասնությամբ, այլ ոչ թե հանդիպմանը մասնակցող պատգամավորների երկու երրորդի ձայներով:
Հանդիպման աշխատանքային պլանում ընդգրկվել է երկու բանաձեւ: Դրանցից մեկը, որը ստացել է վեհաժողովի 126 անդամների աջակցությունը, վերաբերում է Ուկրաինայի նկատմամբ Ռուսաստանի գործողությունների գնահատմանը: Մյուս բանաձեւ վերաբերում է ընդդիմության նկատմամբ բելառուսական իշխանությունների գործողություններին: Դրան աջակցել է 122 անդամ: Ընդհանուր առմամբ, վեհաժողովում կա 323 խորհրդարանական:
