Ադրբեջանի և Թուրքիայի նախագահներ Իլհամ Ալիևի և Ռեջեփ Թայիփ Էրդողանի` Շուշիում կայանալիք հանդիպումից հետո համաձայնագրեր կստորագրվեն Լեռնային Ղարաբաղի վերակառուցման, ինչպես նաև քաղաքական և տնտեսական ոլորտներում նախագծերի վերաբերյալ, գրում է Yeni Şafak պարբերականը:
«Բացի այդ, երկու առաջնորդների հանդիպմանը նախատեսվում է քննարկել ճանապարհային և երկաթուղային գծերի կառուցման նախագծեր, որոնք Նախիջևանի միջոցով Ադրբեջանը կապելու են Թուրքիային»,-ասվում է հոդվածում:
Ինչպես ավելի վաղ տեղեկացրել էր Թուրքիայի նախագահ Ռեջեփ Թայիփ Էրդողանը պաշտոնական այցով ժամանել է Ադրբեջան:
Այցի շրջանակում այսօր Ադրբեջանի կողմից օկուպացված Շուշիում տեղի կունենան երկկողմ հանդիպումներ, որտեղ կքննարկվեն թուրք-ադրբեջանական հարաբերությունների բոլոր ասպեկտները և դրանց հետագա խորացումը:
