Ռուսաստանի Դաշնությունն առաջարկել է աջակցել հայ-ադրբեջանական սահմանի սահմանազատման և սահմանագծման մեկնարկին: Մայիսի 19-ին Դուշանբեում մամուլի ասուլիսի ժամանակ այս մասին ասաց Ռուսաստանի Դաշնության արտաքին գործերի նախարար Սերգեյ Լավրովը։
ՌԴ ԱԳ նախարարը տեղեկացրեց, որ մայիսի 18-ին ոչ պաշտոնական ռեժիմով սկսել են ՀԱՊԿ արտգործնախարարների աշխատանքը, և հանդիպման ընթացքում դիտարկել են հայ գործընկերների խնդրանքը և այդ խնդրանքին համապատասխան քննարկել են Երևանի և Բաքվի միջև հարաբերությունները։
«Կողմերի հետ նախնական պայմանավորվածության համաձայն, Ռուսաստանի Դաշնությունն առաջարկել է աջակցել սահմանազատման եւ սահմանագծման մեկնարկին, ինչպես նաև այդ նպատակով հանդես գալ հայ-ադրբեջանական հանձնաժողով ստեղծելու նախաձեռնությամբ, որին Ռուսաստանը կարող է մասնակցել որպես խորհրդատու, նաև՝ միջնորդ»,- ասաց Լավրովը։
