Այսօր Շուշին մերը չէ… ոչ թե որովհետև հայ զինվորը իր տեղում չէր, այլ որովհետև մենք նրա կողքին, նրա թիկունքում բավարար չափով իբրև ազգ ու պետություն չկայինք:
Մենք կորցրեցինք այն իբրև ապտակ մեր՝ մեզնից հեռացման, ինքնամսխման, ստորաքարշության համար…
Իբրև ազդակ ու զգուշացում…
Սա մեր բոլորիս խարանն է: Սա մեր բոլորիս ամոթն է: Սա մեր բոլորիս պատիժն է․․․
Այս խնդրին իր ֆեսբուքյան էջում անդրադարձել է Երևակ․ Բարեփոխումների աջակցության հանրային նախաձեռնության կենտրոնի ղեկավար Գևորգ Թադևոսյանը և հանդես է եկել հետաքրքիր ապաքաղաքական նախաձեռնությամբ։
Նեկայացնում ենք ստորև․
Անմահների հետ՝ ՄԻԱՍԻՆ…
ԵՍ Ո՛Չ ՍԵՎ ԵՄ, Ո՛Չ ՍՊԻՏԱԿ. ԻՄ ԳՈՒՅՆԸ ՄԵՐ ՀՈՂԻ ԳՈՒՅՆՆ Է՝ ԵՌԱԲԼՈՒՐԻ ՀՈՂԻ ԳՈՒՅՆԸ…
Միասնության երթ դեպի եռաբլուր
Անմահների հետ՝ ՄԻԱՍԻՆ…
…Այսօր Շուշին մերը չէ… ոչ թե որովհետև հայ զինվորը իր տեղում չէր, այլ որովհետև մենք նրա կողքին, նրա թիկունքում բավարար չափով իբրև ազգ ու պետություն չէինք:
Մենք կորցրեցինք այն իբրև ապտակ մեր՝ մեզնից հեռացման, ինքնամսխման, ստորաքարշության…
Իբրև ազդակ ու զգուշացում…
Սա մեր բոլորիս խարանն է: Սա մեր բոլորիս ամոթն է: Սա մեր բոլորիս… պատիժն է:
Մայիսի 9-ին Շուշիի ազատագրման օրը մենք երթով կշարժվենք Եռաբլուր:
Երթը կսկսենք 15:00-ին Շառլ Ազնավուրի հրապարակից՝ կինո Մոսկվայի հարևանությամբ:
Կշարժվենք մեր հերոս-նահատակների նկարներով… նրանց ներկայությամբ, նրանց հետ միասին: Կշարժվենք ի համերաշխություն և ի միասնություն:
Եվ թող որ դա լինի Սթափության ու արթնության երթ:
Թող որ դա լինի հաստատակամության երթ՝ փոխվելու ու փոխելու մեր աշխարհը՝ Տիրողի իմաստնությամբ:… դա է հաղթանակին տանող ճանապարհը… հեռացած ճանապարհը…
Ու հենց Շուշիի Ազատագրման օրը՝ մեր փառքի ու ոգու հաղթանակի օրը մենք նայելով իրար կգտնենք մեզ ու կհասկանանք, որ ունենք մեկ ՃԱՆԱՊԱՐՀ՝ համերաշխության ճանապարհ… իրար հետ… ՄԻԱՍԻՆ…
