ՌԴ Դաշնության խորհրդի անդամ,սենատոր Ալեքսեյ Պուշկովն անդրադարձել է ԱՄՆ նախագահ Ջո Բայդենի կողմից Հայոց ցեղասպանության ճանաչմանը և գնահատել Անկարայի արձագանքը։Հաղորդում է Ռիա Նովոստին։
Դաշնության խորհրդի անդամի խոսքով ՝ ՆԱՏՕ-ում Թուրքիայի շատ դաշնակիցներ վաղուց են ճանաչել Ցեղասպանության փաստը, եվրոպական որոշ երկրներում դրա ժխտումը քրեականացված է: Օրինակ ՝ Ֆրանսիայի նախագահ Էմանուել Մակրոնը, ավելի վաղ,ապրիլի 24-ը հայտարարել էր որպես Հայոց ցեղասպանության հիշատակի ազգային օր: Ի պատասխան Անկարան միայն դիվանագիտական դեմարշներ է իրականացրել, շեշտել է Պուշկովը:
«Ֆրանսիայի, ԳԴՀ-ի և այլ երկրների հետ հարաբերությունները փոքր-ինչ սրվել են, բայց մնացել են: Թուրքիան չի լքել ՆԱՏՕ-ն և չի էլ հեռանա: Նույնը, ամենայն հավանականությամբ, կլինի Բայդենի որոշմանը Էրդողանի արձագանքի դեպքում՝ մեծ փոթորիկ, բայց մի բաժակ ջրում: Միևնույն ժամանակ, Բայդենի այս քայլը չի նպաստի Թուրքիայի և ԱՄՆ-ի հարաբերությունների բարելավմանը», – գրել է ռուս սենատորն իր տելեգրամյան ալիքում:
