Միացյալ Նահանգների նախագահ Ջո Բայդենը Թուրքիայի նախագահ Ռեջեփ Թայիփ Էրդողանին հայտնել է, որ պատրաստվում է 1915-ին տեղի ունեցած հայերի կոտորածն անվանել Ցեղասպանություն՝ փոխանցում է Bloomberg պարբերականը:
Bloomberg-ը նշում է, որ այս քայլով ավելի կսրվեն ԱՄՆ-Թուրքիա՝ առանց այն էլ լարված հարաբերությունները:
Այսօր՝ ապրիլի 24-ի Հիշատակի օրվան նվիրված՝ ԱՄՆ նախագահի ելույթում Ջո Բայդենը պատրաստվում է օգտագործել «ցեղասպանություն» եզրույթը, ինչը նա խոստացել էր անել նախընտրական արշավի ժամանակ: Բայդենը կլինի ԱՄՆ առաջին նախագահը վերջին 40 տարվա ընթացքում, որ հայերի զանգվածային սպանությունները կանվանի Ցեղասպանություն:
