Ես ունեմ ճշգրիտ տվյալներ, նոյեմբերի 9-10-ին ստորագրված հայտարարությունից հետո մեր երկրի իշխանությունները բանավոր կերպով են ցուցում տվել Սյունիքի ռազմավարական նշանակություն ունեցող հատվածներից (Կուբաթլու, Զանգելան) հեռացնել զորքերը: Դա արվել է առանց որևէ սահմանազատման, դա արվել է, քանի որ թուրքն այն կողմից եկել ու ասել է, որ հեռանան: Այս մասին Սևանում հայտարարեց Սեյրան Օհանյանը:
Օհանյանը հարց է բարձրացնում՝ ով է ասել, որ այդ հատվածներն ադրբեջանցուն կամ թուրքին են. «Հիմա էլ ուզում են Սյունիքի տարածքով ճանապարհներ ունենան: Խոսում ենք տնտեսության զարգացման մասին, սակայն այդ ճանապարհների բացմամբ մենք երկու սպառնալիք ենք խորացնում»:
Նախկին նախարարի խոսքերով, այդ տարածքները լցվելու են թուրքերով, ադրբեջանցիներով, լինելու են ժողովրդագրական խնդիրներ:
