Արտառոց դեպք՝ Եղվարդի ծննդատանը. ծննդկանը երեխային վաճառել է, հարազատներին ասել՝ մահացել է

Կոտայքի մարզում արտառոց դեպք է տեղի ունեցել: Մարտի 22-ին ոստիկանության Հրազդանի բաժնում օպերատիվ տեղեկություններ են ստացվել, որ Հրազդան քաղաքի 20-ամյա բնակչուհին 2020 թ.-ի նոյեմբերին Եղվարդ քաղաքի «Նաիրի» բժշկական կենտրոնի ծննդատանը երեխա է ունեցել և աղջկան ծննդաբերելուց հետո վաճառել է, գրում է shamshyan.com-ը։

Ըստ օպերատիվ տեղեկությունների՝ վաճառելուց հետո ծննդկանն իր հարազատներին ասել է, թե երեխան ծնվելուց հետո մահացել է:

Ոստիկանության Հրազդանի բաժնում դեպքի փաստով նյութեր են նախաատրաստվում։