Hraparak.am-ը գրում է. ՀՀ նախագահ Արմեն Սարգսյանին տեղափոխել են «Աստղիկ» բժշկական կենտրոն։ Մեր տեղեկություններով՝ նրա մոտ սրտի խնդիր է առաջացել, և նրան հիմա ստենդավորում են։ Մենք փորձեցինք լուրը ճշտել նախագահականից, սակայն անհասանելի էին։ Հիվանդանոցից մեր աղբյուրը, սակայն, պնդեց, որ նախագահն իսկապես հոսպիտալացվել է իրենց մոտ։
***
ՀՀ նախագահ Արմեն Սարգսյանին տեղափոխել են «Աստղիկ» բժշկական կենտրոն։ Մեր տեղեկությամբ՝ նրա սիրտը պետք է ստենդավորեին։ Նախագահականի լրատվականից, սակայն, քիչ առաջ մեզ հայտնեցին, որ նախագահին իսկապես տեղափոխել են հիվանդանոց, սակայն ոչ ստենդավորման համար։
«Կորոնավիրուսով պայմանավորված նախագահն ունեցել է բարդություններ, և այս պահին հետազոտություն է անցնում «Աստղիկ» ԲԿ-ում»,- ասացին մեզ նախագահի աշխատակազմի լրատվության վարչությունից։
Թե ինչպես է իրեն զգում նախագահը և երբ դուրս կգրվի, նախագահականից ասացին՝ դեռ հետազոտվում է։
