Անհայտության մեջ…
Լուսանկարի լուսավոր տղան Արայիկ Վրեժի Ավանեսյանն է։ Ծնվել է 2001 թվականին՝ Մարտակերտի շրջանի Հաթերք գյուղում։
2020 թվականին զորակոչվել է բանակ և ծառայության անցել Մարտակերտի զորամասերից մեկում։
Պատերազմի օրերին եղել է մարտական տարբեր կետերում, վարորդ էր։ Վերջին վայրը, որ եղել է «Գյոդակբրուն» կոչվող տեղամասն էր՝ Մարտակերտի Պոլիգոնների ուղղությամբ, որտեղ հոկտեմբերի 16֊ին՝ թշնամու օդային հարվածից զինծառայողներ են զոհվել. բոլոր տղաների դիակները գտնվել են, սակայն Արայիկի ճակատագիրը մինչև այսօր անհայտ է ։
Մայրը և մյուս հարազատները հույսով սպասում են իրենց զինվոր որդուն։
Գուցե գերի՞ է ու մի օր բախտ կվիճակվի մորը՝ նորից գրկելու որդուն։
Տա Աստված , ողջ լինի մեր զինվորն ու վերադառնա մոր գիրկը, ով գիշեր֊ցերեկ տառապում է այսքան խոր ցավից…
Լուսինե Զաքարյան
