Վրաստանում ժամանակավոր կացության թույլտվության առավելագույն ժամկետը 6-ից դառնում է 12 տարի: Համապատասխան փոփոխությունները կներկայացվեն Վրաստանի խորհրդարանի բյուրոյի վաղվա նիստում, որը նախաձեռնել է Մարդու իրավունքների հանձնաժողովի նախագահ Միխայիլ Սարջվելաձեն, հաղորդում է Հանրային հեռարձակողը:
Օրինագիծը հստակեցնում է, որ օտարերկրացիներին Վրաստանում նրանց հավանական գտնվելու ժամանակահատվածի համար ժամանակավոր կացության թույլտվություն է տրվում: Բացի այդ, փոփոխությունների համաձայն, օտարերկրյա քաղաքացուն, Վրաստանում ժամանակավոր թույլտվության հիման վրա 6 տարի ապրելուց հետո, հնարավորություն կտրվի երկարաձգել ժամանակավոր կացության թույլտվությունը՝ մշտական բնակության թույլտվություն ստանալու փոխարեն, ինչպես դա արվում է հիմա:
Վրաստանում բնակության թույլտվություն չի կարող ստանալ անհատի նկատմամբ որևէ հանցագործություն, այդ թվում ծանր հանցագործությունների կատեգորիային չդասվող հանցագործություն կատարած անձը:
