Ազգային ժողովի շենքի մոտից ութ քաղաքացի բերման է ենթարկվել ոստիկանության բաժին:
Նրանք ոստիկանությունում են Վարչական իրավախախտումների վերաբերյալ ՀՀ օրենսգրքի 182-րդ հոդվածով (Ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը) նախատեսված արարք կատարելու համար:
«Հայրենիքի փրկության շարժումը» փետրվարի 3-ին Ազգային ժողովի շենքի մոտ բողոքի ակցիա է իրականացրել` խորհրդարանի օրակարգում ընդգրկված մի շարք օրինագծերի դեմ:
Այժմ բողոքի ակցիայի մասնակիցները երթով շարժվում են դեպի Հանրապետության հրապարակ:
