Ազատության հետ զրույցում Նիկոլ Փաշինյանը խոսել է Հադրութի ու Շուշիի հատվածներից նոր գերիների վերաբերյալ տեղեկությունների մասին:
Փաշինյանը մասնավորապես նշել է, որ վերջին տեղեկատվությունը վերաբերում է Խծաբերդ, Հին Թաղեր հատվածին, որտեղ բավականին լարված իրավիճակ է. «ԳՇ-ն, ՊՆ-ն, ՊԲ-ն ամբողջ գիշեր աշխատել են այդ իրավիճակը պարզաբանելու, շտկելու համար:
Այո, այդ տեղեկատվությունը կա, բայց ուզում եմ ասել, որ դա տեղի է ունենում Խծաբերդում ու Հին Թաղերում տեղի ունեցող իրադարձությունների շրջանակում:
Այո, իրավիճակն այնտեղ բավականին բարդ է, իրավիճակը բարդանում է նաև հաղորդակցության ուղիների դժվար անցանելիության բերումով:
ՊՆ-ն, ՊԲ-ն, ռուս խաղաղապահներն այս րոպեներին էլ աշխատում են այդ իրադրությունը պարզաբանելու ու շտկելու ուղղությամբ»:
