Էջմիածնում անհետ կորած զինծառայողների հարազատները կրկին զորամասի մոտ են: Նրանց հետ զրուցում է զորամասի հրամանատարը:
Վերջինս լրագրողներին ասաց, որ մինչև վերջին պահը եղել է իր զինվորականների հետ, շրջափակման մեջ են ընկել, երկու օր հետո 22 զինծառայողների հետ կարողացել են դուրս գալ: Մարտը հանկարծակի է սկսվել, ով հասցրել է փրկվել է, ով չի հասցրել, չի կարողացել փրկվի, կամ գերի է ընկել, կամ փախել. «Փախուստ է եղել, շրջափակման մեջ անկանոն կռիվ է սկսվել»:
Դա եղել է Զանգելանի դիմաց:
Զորամասի հրամանատարն ասաց, որ այսօր գնում է Կապան: Կարմիր խաչը երեկվանից աշխատանքներ է իրականացնում Զանգելանում. «Հիմա բանակցություններ են ընթանում, որպեսզի որոնողական աշխատանքներ իրականացնեն բոլոր տեղերում: Ես մեկնում եմ այնտեղ, որպեսզի մասնակցեմ որոնողական աշխատանքներին, եթե թույլ տան»:
Հրամանատարը վստահեցրեց, որ անհետ կորածներից ոմանք գերի են ընկել:
Հրամանատարը հավաստիացրեց նաև, որ թշնամական կողմի հետ բանակցությունները մշտապես ընթացել են, սակայն միայն հիմա է Ադրբեջանը համաձայնություն տվել:
