Սիրիացի վարձկանը, որը ներկայացվում է Աբդուլլահ անունով, հարցազրույց է տվել BBC-ի արաբական ծառայությանն ու խոստովանել, որ իրեն աշխատանք են առաջարկել Ադրբեջանում, սակայն վերջինս չի իմացել, որ մեկնելու է կռվելու:
Աղբյուրը հայտնում է, որ սիրիացին իրենց լրագրողի հարցերին պատասխանել է հապճեպորեն, քանի որ շտապելիս է եղել ադրբեջանական բանակում ռազմական հավաքի:
Աբդուլլահը մեկն է 17-30 տարեկան հարյուրավոր սիրիացի քաղաքացիներից, որոնք նախորդ չորեքշաբթի օրվանից սկսած ուղարկվել են ադրբեջանական զինուժի հետ պայքարելու առաջնագծում: Ի դեպ աղբյուրը նշում է, որ նրանց հավաքագրումը տեղի է ունեցել թուրքական բանակի և Սիրիայում նրանց դաշնակից ուժերի գիտությամբ:
Աբդուլլահը, ինչպես և Սիրիայի հյուսիսային շրջանում բնակվողներից շատերը տնտեսական ճգնաժամի մեջ են և ֆինանսական խնդիրներ ունեն: Այդպիսով, Աբդուլլահը հայտնել է, որ ընդունել է Ադրբեջանում աշխատանքի առաջարկը, որի դիմաց 2000 դոլար ամսական աշխատավարձ պետք է ստանար, սակայն պատկերացում չի ունեցել, թե ինչ էր իրեն սպասվում այնտեղ:
Աբդուլլահը նշում է, որ ինչ-որ կերպ հաջողացրել է հեռախոս ձեռք բերել և զրուցել իր ընտանքի անդամների հետ, սակայն չգիտի երբևէ կկարողանա նրանց նորից տեսնել, թե ոչ:
