Այս պահին «Իմ քայլը» խմբակցությունը դռնփակ նիստում քննարկում է Արցախի հետ ռազմաքաղաքական դաշինք կնքելու հնարավորության հարցը։
Նիստից առաջ խմբակցության պատգամավոր Ռուբեն Ռուբինյանը լրագրողների հետ զրույցում ասաց, որ քննարկվելու է Ադրբեջանի սանձազերծած լայնամասշտաբ ռազմական գործողությունների հետևանքով Արցախում ստեղծված իրավիճակը, Արցախի հետ ռազմաքաղաքական դաշինք կնքելու հարցը:
Հարցին, թե հակառակորդն արդեն հարվածում է Վարդենիսին, արդյոք դիմելո՞ւ են ՀԱՊԿ-ին, պատգամավորը նշեց, որ ձեռնարկվելու են բոլոր անհրաժեշտ գործողությունները:
«Ադրբեջանը փորձում է պատերազմի մեջ ներքաշել նաև Հայաստանը, բայց մեր բանակը լիովին վերահսկում է իրավիճակը»,- նշեց Ռուբեն Ռուբինյանը։
Hraparak.am
