ՀՀ նախկին ոստիկանապետ, ոստիկանության գեներալ-գնդապետ Վլադիմիր Գասպարյանը, 2018 թվականի իրադարձությունները հիշելով, այսօր «Para TV»-ի եթերում պատմել է, թե ինչ է իրեն ասել Սերժ Սարգսյանը՝ «Ոչ մի իշխանության համար չարժի զոհաբերել մարդկային կյանք»:
«Նա ասաց՝ գիտեմ, դու փայլուն կանցկացնես օպերացիան, բայց հրմշտոցի մեջ երեխաներ կընկեն ոտքի տակ, պետք չէ։ Ես շաղախված եմ այս երկրին, ես այս երկրում թաղված ընկերներ ունեմ, որոնցից պատահաբար 20-30 տարի ավելի եմ ապրում, չգիտեմ՝ իրենց բախտը բերեց, թե՝ մեր։
Տղաները հերոս դարձան, իսկ մենք՝ թիրախ։ Իսկ պետության համար կանգնած սպային թիրախավորելը շատ դաժան կարող է նստել, թող կուսակցությունները նստեն, իրենց հարցերը լուծեն իրար հետ, բայց երբ պետությանը վտանգ է սպառնում՝ արդեն գործ ունեն իմ տեսակի հետ։
Չեմ ուզենա հավատալ այդ խոսքին, որ եթե դու չես զբաղվում քաղաքականությամբ, քաղաքականությունն է զբաղվում քեզանով, բայց եթե զբաղվում է ինձանով՝ ես ցանկացած ձեռնոց բարձրացնող եմ։ Ես մեռնելուց չեմ վախենում, այլ ապրելուց՝ այ այս երևույթների մեջ, ու վախենում եմ ոչ ինձ համար։ Մենք այս երկիրը չենք սարքել, որ արվամոլություն փառաբանեն, ԼԳՏՊ-ներ, կգմգ-ներ, ԱԳԼՃԿ-ներ։ Նման տխմարամտություններն ուղղակի խառնում են մեր երկիրը», ասել է Վ․Գապարյանը։
Մանրամասները՝ տեսանյութում:
