Վիետնամում դադարեցվել է Դանանգ քաղաքի հետ ավիահաղորդակցությունը ՝ նոր ագրեսիվ տիպի կորոնավիրուսի առաջացման պատճառով: Այս մասին հայտնում է Reuters-ը:
Երկրի տրանսպորտի նախարարությունն արգելել է դեպի Դանանգ ինքնաթիռների մեկնումն ու ընդունումը 15 օրով՝ սկսած հուլիսի 28-ից:
Ավելի վաղ հաղորդվել է, որ նոր տիպի կորոնավիրուսով վարակվածների թիվը գրեթե եռապատկվել է. Հայտնի է 11 դեպք, մինչդեռ ավելի վաղ արձանագրվել է չորս դեպք:
Վիետնամի կառավարության տեղեկատվական պորտալի համաձայն, վիետնամական Դանանգ քաղաքում և շրջակա նահանգներում արձանագրված վիրուսի բռնկումը պայմանավորված է նոր տեսակի կորոնավիրուսով՝ այն ավելի ագրեսիվ և վտանգավոր է, քան նախկինում հայտնիները:
