Կորոնավիրուսի բուժման համար հավանության արժանացած ռուսական առաջին՝ Ավիֆավիր դեղամիջոցը փորձարկվել է ավելի քան 180 հիվանդի վրա: Դեղամիջոցի արդյունավետությունը կազմում է 90 տոկոս: Պացիենտների ճնշող մեծամասնության ջերմությունը նվազել է երեք օրվա ընթացքում, հիվանդները լիովին առողջացել են կրկնակի արագ: Այս մասին տեղեկացնում է Vesti.ru կայքը:
Ավիֆավիր անունով այս դեղամիջոցը նաև հայտնի է Ավիգան անունով։ Դեղամիջոցը դեղատներում չի վաճառվի, սակայն Ռուսաստանի տարբեր շրջանների հիվանդանոցներին կտրվի դեղամիջոցի 60 հազար խմբաքանակ:
Ավիֆավիր դեղամիջոցն արդեն հաստատվել է ՌԴ առողջապահության նախարարության կողմից: Ի դեպ, դեղամիջոցի զանգվածային արտադրությունը կսկսվի հունիսի 11-ից:
Ավիֆավիրն արգելափակում է վարակի բազմացումը, իմունային համակարգին ժամանակ է տալիս կանգնեցնել հիվանդությունը, ընդ որում, նվազագույն բացասական հետևանքներով: Այս դեղամիջոցը վատ ազդեցություն չի ունենում թոքերի կամ սրտի վրա: Միակ հակացուցումը հղիությունն է:
