Երևանի Քաղաքապետ Հայկ Մարությանի՝ մայիսի 8-ի կարգադրությամբ պարգևավճարներ են ստացել քաղաքապետարանի 20 պաշտոնյաներ։ Այս մասին գրում է panorama.am-ը։
«Պարգևավճար ստացածների թվում են Մարությանի բոլոր չորս տեղակալները, նրանցից յուրաքանչյուրին քաղաքային բյուջեից տրամադրվել է 480 հազարական դրամ։
Նույնքան գումար են ստացել Երևանի գլխավոր ճարտարապետ Արթուր Մեսչյանն ու աշխատակազմի քարտուղար Վահե Խաչատրյանը։
200 հազար դրամ պարգևավճար է տրամադրվել քաղաքապետի օգնական Կարեն Հարությունյանին։
280 հազարական դրամ պարգևավճար են ստացել 13 վարչությունների պետեր։
Ուշագրավ է, որ նույնիսկ համավարակի օրերին, երբ բազմաթիվ երևանցիներ սննդի խնդիր ունեն, քաղաքապետարանի պաշտոնյանները չեն հրաժարվում պարգևավճարներից։ Հիշեցնենք, որ շատ երկրներում պաշտոնյանները կորոնավիրուսով պայմանավորված իրավիճակում գնացել են աշխատավարձերի կրճատման»,– գրում է կայքը։
