Գավառում տեղի ունեցած արյունալի դեպքրից զոհավածներից մեկը զինվորական քննիչ Զոհրաբ Պարոնիկյանն է, ծնված 1989 թվականին, ով ծնողների հետ բնակվել է նույն Ազատության փողոցում, որտեղ տեղի է ունեցել հրաձգությունը: Այս մասին հայտնում է «Հրապարակ»-ը:
Լրատվամիջոցին հաջողվել է պարզել նաև, որ վզի կտրվածքի հետևանքով սպանվածներից մեկի անունը Արմեն է, իսկ մյուսինը՝ Խաչիկ:
Մեկ այլ հրապարակման մեջ է լրատվամիջոցը գրում է՝ այսօր Գավառում տեղի ունեցած արյունալի միջադեպին հաջորդել է ոչ պակաս արյունալի շարունակություն: Մեծ թվով անձինք ներխուժել են հիվանդանոց, որտեղ սպանվածի եղբայրը կտրել է վիճաբանության մյուս մասնակիցների պարանոցը:
Մեզ քիչ առաջ փոխանցեցին,որ հիվանդանոց ներխուժածների թիվը եղել է 500-ից 600 հոգի, եղել են մահացածների հարազատներն ու բարեկամներ: Վերջիններս զինված են եղել ձողերով, ջարդուփշուր են արել հիվանդանոցը, ոստիկաններից մի քանիսին մարմնական վնասվածքներ պատճառել: Մեր աղբյուրը նշեց, որ Գավառում այս պահին իրավիճակը սարսափելի է, մարդիկ վախեցած են, իրավիճակը չի հանդարտվում:
