1975թ. տեղի ունեցած ռազմական հեղաշրջմանը մասնակցած սպաները մահապատժի էին դատապարտվել 1998թ.: Նրանցից 5-ը մահապատժի էին ենթարկվել 2010 թվականին, երեք՝ արդարացվել, մնացածները թաքնվել են երկրի սահմաններից դուրս: Հեղաշրջումից հետո մի շարք պաշտոններ զբաղեցրած Մաջեդը 1996 թվականին ստիպված էր հեռանալ երկրից, երբ Բանգլադեշի վարչապետ դարձավ Շեյխ Հասինա Վազեդը՝ երկրի առաջին նախագահի դուստրը, որը վերսկսեց իր ընտանիքի սպանության հանգամանքների հետաքննությունը:
Այս տարվա ապրիլի 6-ին, 24 տարվա որոնումներից հետո Մաջեդը ձերբակալվել էր: Նա թաքնված էր դրսում, սակայն մարտին վերադարձել էր և Միրպուր քաղաքում հայտնաբերվելուց հետո կանգնել էր դատարանի առջև: Ապրիլի 7-ին դատավորը հաստատել էր մահապատժի վճիռը: Մաջեդը ներման խնդրանքով դիմել էր վարչապետ Շեյխ Հասինա Վազեդին, սակայն ապրիլի 10-ին դիմումը մերժվել էր: Նախագահ Ռահմանը Դաքայի իր նստավայրում սպանվել էր 1975 թվականի օգոստոսի 15:
Սպանել էին նաև նրա կնոջը, երեք որդիներին, այլ ազգականների և ընտանիքի մերձավորների, ընդհանուր առմամբ՝ 20 հոգու: Ողջ էին մնացել միայն երկու դուստրերը, որոնք այդ պահին գտնվելիս են եղել Գերմանիայի Ֆեդերատիվ Հանրապետությունում:
