Հայաստանում կորոնավիրուսի տարածումը կանխարգելելու նպատակով հայտարարված արտակարգ դրության պայմաններում շատ քաղաքացիներ այս օրերին չեն աշխատում, հետևաբար՝ չունեն գումարի աղբյուր: Կորոնավիրուսի սոցիալական հետևանքները չեզոքացնելու համար կառավարությունը հինգ ծրագիր է առաջարկել, սակայն այդ ծրագրերը չեն առնչվում ֆինանսական խնդիրների առաջ կանգնած բոլոր քաղաքացիներին:
Այս օրերին որոշ քաղաքացիներ ահազանգում են Ճանապարհային ոստիկանության ակտերը վճարել չկարողանալու մասին:
168.am-ը դիմել է պարետատուն, ճշտելու, թե արդյո՞ք այժմ կառավարությունը քննարկում է զիջումներ կիրառել այն անձանց նկատմամբ, որոնք երթևեկության կանոնները խախտելու համար համապատասխան ակտերով տուգանվել են, բայց ֆինանսապես ի վիճակի չեն կատարել վճարումները։
«Այս պահին նման որոշում չկա: Եթե նման բան լինի, կտեղեկացնենք»,- հարցին ի պատասխան ասել է պարետատան խոսնակ Մանե Գևորգյանը
